23. júní 2011

Á skólakerfið að ýta undir samkynhneigð?

Dögg Harðardóttir skrifaði á dögunum grein sem orðin er alræmd. Í greininni leggur Dögg fram eftirfarandi röksemdafærslu:

1. Rannsóknir sýna að trúað fólk lifir heilbrigðara og hamingjuríkara lífi en trúlausir.
2. Skólakerfið á að stuðla að því að börn verði hamingjusöm og heilbrigð.
- -
Af þessu leiðir: Skólakerfið á að stuðla að því að börn verði trúað fólk.

Þessari röksemdafærslu er hægt að svara á svo margan hátt. Hún er svo augljóslega röng. En í stað þess að eyða tímanum í að rekja gallana á færslunni ætla ég að koma með mína eigin röksemdafærslu og leyfa svo Dögg og skoðanasystkinum hennar að melta hana:

1. Rannsóknir sýna að samkynhneigð karla stuðlar að auknu heilbrigði (1), betri fjárhag (2) og betri námsárangri (3).
2. Skólakerfið á að stuðla að því að drengir verði heilbrigðir og farsælir menn.
- -
Af þessu leiðir: Skólakerfið á að stuðla að (4) því að drengir verði hommar.

1. Sjá t.d. hér
2. Sjá t.d hér
3. Sjá t.d. hér
4. Ég geri ekki ráð fyrir að þeir sem trúa á „afhommun“ sem raunverulegt úrræði eigi í vandræðum með að kyngja þessu – auk þess sem frelsi einstaklinga til sjálfstæðrar kynhneigðar er varið með sama hætti í siðuðum löndum og frelsi til persónulegrar trúar.

Engin ummæli: