Gærkvöldið: Eftir fyrstu holskeflu „É' vann 'etta“ kom næsta bylgja, miklu lágstemmdari. Hún fólst í því að stjórnmálamennirnir gáfu því gaum að hugsanlega væru þegnarnir að reyna að koma einhverjum skilaboðum á framfæri. Og nú þyrfti að reyna að túlka þau.
Sum sé, stjórnmálamennirnir reyna að telja okkur trú um að þeir hafi í gær séð eitthvað sem fór framhjá þeim þegar þúsundir umkringdu alþingishúsið, börðu rúður þess, potta og pönnur. Sem fór sömuleiðis framhjá þeim þegar sjálfstæðisflokkurinn var skorinn á háls í síðustu kosningum. Sem ennfremur fór framhjá þeim þegar 93% þeirra sem tóku þátt í þjóðaratkvæðagreiðslu um Icesave höfnuðu einu mikilvægasta máli núverandi ríkisstjórnar.
Þegar Marie Antoinette var leidd til gálgans steig hún á tána á böðlinum. Umsvifalaust snarstoppaði hún:
„Monsieur, je vous demande pardon.“
Óskammfeilnir stjórnmálamenn stigu á tærnar okkar í gærkvöldi.
Svo áttuðu þeir sig og báðust afsökunar.
Engin ummæli:
Skrifa ummæli