Allir stjórnmálaflokkar á Íslandi eiga sér þrjár alþekktar ásýndir: id, egó og súperegó. Súperegó er sú hlið sem flokkurinn snýr að kjósendum og öðrum sem lítið þekkja til. Ofurfegruð glansmynd hástemmdra nafn- og lýsingarorða. Idið er lýsing bróðurparts kjósenda hinna flokkana á flokknum, svert og andstyggileg mynd – sem ekki síður notast við hástemmd orð til lýsingar. Egóið er raunveruleikinn. Flokkurinn eins og hann er. Líklega óþægilega jöfn blanda ids og súperegós. Raunveruleikanum er sjaldan lýst með hástemmdum orðum – enda hrærir hann ekki taugar með sama hætti og afskræmdu myndirnar.
Einstakir stjórnmálamenn hafa að sama skapi þessar þrjár ásýndir.
Ég hélt raunar að það væri morgunljóst að id Framsóknarflokksins er hóra. Hugsjónalaus flokkur framapotara sem kalla afstöðuleysi sitt öfgaleysi en eru í raun aðeins á höttum eftir völdum, bitlingum og eftirlaunum.
Alveg eins og id Vg er ósamýmanleg suða karlhatara, kommúnista og kjarrkelara. Og id Samfylkingar er steinrunnið nátttröll sem áttar sig ekki á því að blairisminn er dauður og að fjórða ríki Evrópu datt úr tísku fyrir nærri áratug enda sækja í dag aðeins í það sígaunar og jaðarþjóðir sem vilja komast í að selja fölsuð úr á frönsku rívíerunni. Og id Sjálfstæðisflokksins er smjörkúkasafn með enga eða litla siðferðiskennd, smáborgarar (oft í sérstrúarsöfnuðum) og ekkjur gamalla smjörkúka sem þora ekki annað en að exa við dé þótt karlinn sé löngu dauður.
Við verðum að gæta þess að misbjóða þjóð okkar ekki með velsæmi. Velsæmi er gott og blessað sem persónuleg afstaða – en alveg glatað sem opinber stefna. Og stórskaðlegt sem regla.
Vissulega var myndin af vændiskonunni Siv rætin. En ekki vegna þess að þar væri Framsóknarkonu líkt við mellu. Sá partur myndarinnar var í fullu samræmi við „sannleikann“, ásýnd flokksins í augum borgaranna. Hún var rætin á sama hátt og það hefði verið að teikna Geir Haarde sitjandi á krabba eða Ingibjörgu Sólrúnu í Braniac-búningi. En ekki ein einasta manneskja hefur komið fram og skammast yfir myndinni á réttum forsendum. Allir láta eins og forsagan skipti ekki máli – maður líki ekki stjórnmálamönnum við hórur. Púntur!
Við eigum ekki að missa okkur yfir smekklausu gríni. Þá endum við eins og fólkið sem sat í klukkutíma og nennti að rökræða við Monty Python-liða um það hvort Life of Brian væri ásættanlegt innlegg í opinbera umræðu.
Svona að lokum. Ég lét eftir hugboði mínu um að id Framsóknarflokksins væri hóra og leyfði hr. Gúgl að þefa uppi nokkur dæmi. Hér eru nokkur:
„Framsóknarflokkurinn er að hefa útför sína eftir að vera hóra íslenskra stjórnmála“ – Sigvarður Hans Hilmarsson 28.7.2006
„[Ég vil] nota tækifærið og hvetja fólk til þess að kjósa EKKI helvítis framsóknarflokkinn. Þessar skoðanalausu, gráðugu hórur hafa setið nógu lengi í hásætinu. Dante sagði að heitustu pittir helvítis væru fráteknir fyrir þá sem ekki mynda sér skoðun. Framsókn... nýja heimilið ykkar bíður ykkar.“ – Greendude.bloggar.is 11.5.2007
„Hin mikla hóra Framsókn mótmælir öllu, líka því sem sú kom á með áralangri stjórnarsetu.“ –Athugasemd undir dulnefni á Eyjunni 14.8.2009
„Framsóknarflokkurinn á nefnilega mun meira skylt við mellu en Islam við hryðjuverkamenn.“ – Eva Hauksdóttir 18.4.2011
„Í mínum augum er framsókn ekkert annað en ódýr hóra sem þrælar hverju sinni fyrir ríkjandi flokk(þann sem er vinsæll hverju sinni) upp á síðkastið hefur þetta verið sjálfstæðisflokkurinn og dabbi harðstjóri, framsókn hefur bara beygt sig og tekið öllu beint í "ra*#%atið" frá sjálfstæðisflokknum...“ – Rastafar (notandi á Huga.is) 28.12.2001
„Gömul hóra er gömul hóra, þótt hún sé dubbuð upp í ungæðislegan gogo-galla. Hvenær hafa aðrir en sjálfstæðisflokkurinn getað treyst drósinni Framsókn? [...] Blessuð gamla hóran - leit vel út um stund eftir "make-over" mómentið - en er nú þegar orðin illa sjúskuð þar sem hún stendur fáklædd í nepjunni úti á horni og bíður eftir glópagulls sjónhverfingum síns gamla mangara.“ – Súsanna Svavarsdóttir 23.2.2009
„Ég held að Samfylkingin sé að verða meiri hóra í pólitík en Framsókn og þá er nú mikið sagt!“ – Kjartan Jónsson 7.6.2008
„Þessar hórur reyndu að hanga á kjötkötlunum og særa burt félagshyggjuna og gera flokkinn að borgaralegum hægri flokki.“ – Athugasemd undir dulnefni á Eyjunni 27.11.2008
Engin ummæli:
Skrifa ummæli