4. mars 2008

Steraspjallvefurinn


Eitthvað lygilegasta netsamfélagið hérlendis er á Vaxtarvörum, sem er einhversskonar verslun með fóðurbæti fyrir menn.

Þar fer fram mjög kinnroðalaus umfjöllun um notkun ólöglegra efna. Og virðist ekki draga úr mönnum dampinn að vera undir smásjá ýmissa aðila:

Það er ekki leyfilegt, þetta er ekki dreyfingarstaður fyrir ólögleg efni. Auk þess sem þessi vefur er vaktaður af fíkniefnalögreglunni, innflutningsráði, kompás og fleirum, fyrir utan alla þá lögreglumenn sem eru notendur á vefnum þá reikna ég með því að það sé enginn svo vitlaus að hann fari að gefa eitthvað upp hér.

Ég man eftir nokkrum ansi dularfullum náungum úr grunnskóla, pínulitlum töppum sem hægt var að telja rifbeinin í á löngu færi, sem skyndilega urðu jafnir á breiðvöxt og langvöxt, uppstökkir og bólugrafnir. Síðan þá hefur ímynd steraætunnar í huga mínum alltaf verið æði mörkuð af þessum upprunalegu fordómum mínum. Ef eitthvað er að marka spjallið þá eru þessir fordómar ekki alveg úr lausu lofti gripnir.

Hvaða vaxtarhormónar eru gefnir krökkum sem stækka ekki nógu mikið?

Ok, langaði að troða mér hingað inn og spyrja svipaðs málefnis.

Hvað er í sprautunni sem strákum er gefin þegar eistun ganga ekki niður ?

Drengur drengur, þú hlýtur að sjá að við munum böggast í þér vegna aldurs. Þú ert ekki komin með fullan vöxtm, beinin í þér eru ennþá að vaxa. Getur eyðilagt liðþófa og eytt upp brjóski. Tala nú ekki um spottan á þér, getur farið svo að þú skaddir sæðis framleiðslu og getuna til að fá boner sem eftir er. Og svo fengið skalla á unga aldri. En þar sem að ég held að það sé nákvæmlega sama hvað við segjum þá er betra að við beinum þér í rétta átt.

Vefurinn og ljósmyndir á honum bera þess skýr merki að einhver fjöldi innfæddra er enn í grunnskóla, hvort þeir eru á sterum eða láta tugtrilljón magaæfingar nægja skal ósagt látið. Einhvern metnað hafa þeir allavega til þess að prufa sterana. Kannski ekki furða, því þarna eru heilu alfræðiorðabækurnar um stera- og lyfjanotkun. Sérstaklega eru aukaverkanirnar þeim þungur áhyggjubaggi og mögulegar mótvægisaðgerðir við þeim:

og já aukaverkanir, ég er nú þegar kominn með aðeins stærri brjóstkyrtil vinstra megin og með verk í honum :? og já 1 spurning, það er þokkalega stutt síðan ég byrjaði að hrjóta MJÖG hátt (hraut nú alveg pínu fyrir) þannig að konan er farin að þurfa nota eyrnatappa getur verið að það sé af stera notkun ?

nei nei grín.

farðu bara varlega í vasopro. það er helv.. guafesin í því sem er útvíkkunar efni fyrir lungnapípurnar. auðveldar þér andardrátt og soleis en getur fengið vott af skammtíma bronkítis sem er ekkert ofsalega skemmtilegt að hósta í gymminu upp svona grænu og brúnum kögglum


ég tala af reynslu.

Sérstaklega hafa menn áhyggjur af stækkuðum brjóstum, bólum og skalla, þótt flestir þarna sverji það hátíðlega af sér að sterasvelgir fái nokkru sinni skalla. Ég skora hér með á lesendur þessarar síðu að finna mynd af prúðhærðum vaxtarræktarmanni (Fabio telst ekki með), örstutt rannsókn mín (og Birkis bróður) leiðir í ljós að flestir kjötmiklir og olíubornir rauðskinnar eru annað hvort nauðasköllóttir eða með kollvik á við Hrútafjörð. Ekki ætla ég þó að vera svo illa innrættur að kenna sterum um, enda áreiðanlega ekki til sá vaxtarræktarmaður hérlendis sem notar stera. Sérstaklega ekki þegar því fylgja ýmis vandkvæði, sum háalvarleg, önnur praktísk:

En eins og Dust sagði þá er 300 af deca alveg lágmark. Mundi ekki fara undir 2ml af deca og 1ml af susta á viku. Alls ekki blanda þeim saman í sprautunni. Byrja strax á bolanum og hætta eftir 3 vikur. Ekki vera lengur en 6 vikur á kúr! Eiga til anti esto og jafnvel nota í litlum skömtum út allan kúrinn. Nota hcg í 4-6 vikur eftir á. Gott líka að fá tribulus eða eitthvað sem eykur nátturulega testosteronið til að kick starta eistunum aftur því að þau munu stoppa allri vinnslu!

Passa að vera alltaf með nýja nálar og sprautur, nota aldrei oftar en einu sinni. Strjúka með spritti í bómul eða bréfi yfir svæðið sem þú stingur áður en þú stingur. Stinga alltaf ofarlega í kinnina þannig að þú getir setið þó svo að þú hittir illa.

Gott er að gera nokkara léttar hnébeygjur áður en setur inn til að koma blóðinu af stað. Standa þannig að þú getir séð sprautuna í spegil eða eitthvað því að ef það frussast blóð inní hana ertu í æð og verður að draga út. Þú finnur ekki þegar þú lendir í æð! En þú finnur hins vegar aðeins ef þú ferð í taug, ekki sársauka heldur mótstöðu, ef þú dælir í hana eða í gegnum hana muntu labba skakkur í nokkra daga.

Á meðan kúrnum stendur skaltu þegar þú vaknar á morgnana skaltu kreista á þér nipplunar, ath hvort þú finnir einhverja keppi eða hvort þær séu aumar. Ef þær verða mjög aumar eða fer að leka úr þeim þá skaltu taka mikð anti estro og hætta á steranum strax.

Ef eitthvað klikkar ekki hika við að senda ep eða setja upp þráð og fá hjálp, við reynum að takmarka skaðann.

Það er náttúrulega löngu vitað að sustinn gefur mikið mikið meiri orku en nokkurn tímna bolinn. EF að þú ert að fá meira út úr honum heldur en testa þá mundi ég fara að skoða hvernig þú setur hann í þig. Hvaða týpu af nál ertu með? Maður hefur heyrt um gaura sem eru með bara 15mm nálar og stinga inn og dæla og kippa svo strax út og allt stuffið lekur út um gatið á eftir, svo skilja þeir ekki að þetta sé ekkért að virka.

það má við bæta að það eru ekkert allir sáttir við HGH kúr .það sem ég hef lesið , svo það sem flestir vita þá lengir hgh nefið , kjálkabeinin putta ofl sem er ekkert rosa fallegt .

Að vera á sjó og taka stera gegnur ekki alveg upp.

En það má alltaf treysta á góð ráð þrautreyndra, hvort sem um er að ræða brjóstaþukl eða aðrar góðar leiðbeiningar. Sumir eru enda búnir að kynna sér málin hjá afar áreiðanlegum aðilum:

Ég fer að tilmælum steroids.com og nota um 3,3 einingar á dag. En samkvæmt þeim félögum á maður að nota 0.28 - 0,56 einingar á dag per kíló í líkamsþyngd.

þannig að MÍN skoðun er sú:

3-4iu hgh per dag (2 morgna og tvær að kveldi)

6-10iu insulin (fer eftir þyngd)per dag eftir æfingar og muna góðan kolvetna og próteinríkan sheik innan 15 mínútna eftir töku insulins

500mg enanthate per viku

2 - 4 einingar á dag er ágætt ef þú ætlar að cutta ekki til að bulka, ættir að sjá örlítinn mun eftir 4 vikur sirka.

HGH í svona litlum skömmtun er ekkert svaka bodybuilding dæmi en er aftur á móti hel gott fyrir mann. Fyrsta sem fólk sér venjulega er að húðin verður fínni og svo líður fólki yfirleitt mjög vel líkamlega séð af þessu

Þó þarf að fara dálítið varlega því einhverjir af þessum sterstungnu sparigrísum eru auðsýnilegar dálítið uppstökkir:

Ef að menn eru of latir til að stinga sig 2x þá eiga þeir bara ekkért að vera að fucka með stera!!

Auðvitað setjið þið þetta í sitthvora sprautuna og setjið á sitt hvorn staðin.

Þetta er ekki spurning um að vera latur þetta er spurning um hagræðingu. Meiri f-u-c-k-i-n-g hrokinn í þér, er verið að keyra. Ef ég get einfaldað hlutina, sama hvaða hlut, án þess að það komi niður á gæðum, þá geri ég það. Sumir eru svo miklir steinaldamenn að þeir geta ekki sætt sig við að hægt er að einfalda hlutina. Ég vildi bara vita hvort það væri eitthvað verra að gera þetta og þá hvers vegna. :twisted:

Ég held að heildarstemmningunni sé síðan best lýst með ódauðlegu svari við spurningunni hvers vegna tiltekinn steri sé bannaður:

útaf hann virkar

Ég held að foreldrar drengja, sem eiga það til að loka sig inni á baði með myndavél í tíma og ótíma, stökkva fram úr rúminu á morgnanna og taka hnébeygjur, eru sífellt að þukla á sér brjóstin og eistun og missa hárið og stjórn á skapi sínu, þurfi að vita hvað klukkan slær. Einnig held ég það sé ráðlegt fyrir alla sem eiga börn sem uppfylla eitt eða fleiri af ofangreindum skilyrðum að kíkja inn á vefinn og athuga hvort þeir þekki baðinnréttinguna sína eða tannburstana á myndunum sem meðlimir síðunnar eru óþreytandi við að birta af sér.

Svo held ég að þurfi að athuga hausinn á eigendum Vaxtarvara sem hýsa lögleysuna og leyfa að því er virðist hvað sem er á spjallinu, allt til svæsnustu sprautuleiðbeininga, í raun allt nema auglýsingar á fæðubótarefnum – þau á að kaupa af þeim samkvæmt skilmálum spjallsins. En hvar skyldu menn fá sterana?

27 ummæli:

Nafnlaus sagði...

Dásamlegur pistill.

Kveðja,

Andri

Nafnlaus sagði...

Góður.

kv,

GS

Nafnlaus sagði...

Þar fer fram mjög kinnroðalaus umfjöllun um notkun ólöglegra efna. Og virðist ekki draga úr mönnum dampinn að vera undir smásjá ýmissa aðila

Þú tekur ekkert fram alla hina hlutina sem ræddir eru þarna ? Þar sem ólöglegu efnin eru bara lítill hluti af öllu því sem fer fram þarna.. Einnig hlægilegt hvað þú tekur alla sem spjalla þarna undir sama þakið og bendlar við stera :)
Þótt þeir séu betur vaxnir en þú eru þeir ekki endilega að fikta í ólöglegum efnum ;)

GummiÓ

Nafnlaus sagði...

Þeir sem þarna eru og ekki taka stera (sem auðvitað hljóta að vera margir) kjósa sér furðulega lágstemmdan félagsskap. Ef bílar væru ódrepandi áhugamál mitt myndi ég ekki kjósa að spjalla um það á vef sem að einhverju leyti (þótt litlu væri) væri vettvangur bílþjófa.

Ragnar Þór

Nafnlaus sagði...

Held að flestir af vaxtavoruvefnum séu þar til að fá ráðleggingar hvernig megi bæta sig í ræktinni en að fá upplýsingar um sterana.

Og ég veit ekki hversu löglegt er að taka þessar myndir af vefnum án þess að geta heimilda og í leyfisleysi frá eigendum.

Nafnlaus sagði...

Það er voða erfitt að vísa í eigendur andlitslausra mynda.

Nafnlaus sagði...

Þeir sem þarna eru og ekki taka stera (sem auðvitað hljóta að vera margir) kjósa sér furðulega lágstemmdan félagsskap. Ef bílar væru ódrepandi áhugamál mitt myndi ég ekki kjósa að spjalla um það á vef sem að einhverju leyti (þótt litlu væri) væri vettvangur bílþjófa.

Ragnar Þór


Þetta er ein fáranlegast viðlíking sem þú gast fundið.

Nafnlaus sagði...

Lágstemmdan félagsskap segiru... Afþví að það eru um 5% af notendum sem eru að nota stera ?

Þetta er einn besti íslenski spjallvefur um líkamsrækt svo það er frekar súrt að skilja við hann bara vegna þess að nokkrir eru að fikta í hlutum sem eru ekki leyfðir.
Endilega komdu með annan íslenskan spjall vef sem er að gera betur en þessi.

GummiÓ

Nafnlaus sagði...

GummiÓ:

Taktu nú fokking hausinn út úr ófríðu rassgatinu á þér og horfðu í kring um þig drengur !!! þó svo að þú sért límdur við skjáinn á hverjum degi, með aðdáun í augunum yfir þessum vef, þá þýðir það ekki að það séu ekki til aðrir spjallvefir sem eru virkari og betri.
Auk þess tel ég allar tilraunir til þess að réttlæta umræðuna sem þarna fer fram, framúrskarandi hlægilega. Skráðu þig bara inná spjallið og lestu!!
Í þessum pistli er verið að fjalla um þráðinn "ólögleg fæðubótaefni" og ég hef lesið þetta spjaldanna á milli, og það er ekki verið að fjalla um eitt einasta ólyfseðilskylt löglegt efni í þessum þræði !!! Það sem kemst næst því að vera löglegt er Insúlín !!! Þetta eru allt saman sauðheimsk lúðusmetti og það á að loka þessum vef hið snarasta. !
Birkir Freyr Ólafsson

Nafnlaus sagði...

Er ekki í lagi heima hjá þér?

Ég geri mér alveg grein fyrir því að þú ert 120 kíló og örugglega holgóma í þokkabót, en það er engin ástæða fyrir því að þú þurfir að hrauna yfir aðra menn sem hafa vit á því að halda sér í formi. Spurning um að þú reynir að gera eitthvað í þínum málum sjálfur, þá er kannski einhver möguleiki á að þú fáir pussy.

Minnimáttarkenndin skín alveg í gegn í þessu bloggi.

PS. Þú vildir endilega sjá hárprúðan vaxtarræktarmann, það þarf ekki að leita lengur en að Jay Cutler, Mr. Olympia og fremsta vaxtarræktarmanni heimsins í dag.

http://runkz.files.wordpress.com/2007/08/jay_cutler2.jpg

Ragnar Þór Pétursson sagði...

Fyrir utan þá augljósu staðreynd að spjallvefur fyrir líkamsræktarmenn er svipað og Scrabble fyrir lesblinda þá verð ég að gefa þeim sem sendi linkinn með myndinni af Hitlerjugend-holdanautinu plús fyrir dásamlega hnyttna svívirðingu.

Sterar eru semsagt leiðin fyrir holgóma menn sem þjást af skorti á pussy. Fátt er enda betra á köldum síðköldum en að orna sér við opinn eld, og þukla brjóstaber hvors annars.

Nafnlaus sagði...

Þú þarft ekki stera til að ná árangri, 90%+ notenda á síðunni hafa gert það, og þú getur það líka. En fyrst þarftu að þroskast aðeins og horfast í augu við vandamálið þitt.

Ragnar Þór Pétursson sagði...

Það er merkilegt hve lítið fer fyrir þessari rödd þegar sterasugurnar dásama nálarnar á þessum afar vandaða spjallvef.

Enn merkilegra er að þeir skuli vera velkomnir á opnum spjallvef að lofa iðju sem ekki aðeins er einstaklega mikið bönnuð heldur hefur beinlínis orðið þess valdandi að stór hópur skapstyggra nautgripa með skrælnuð eistu og brenglaða hormónastarfsemi veður uppi í geðbilaðri aðdáun sinni á ytra útlit sem er í hróplegu ósamræmi við hinn tilfinnanlega skort á innra manni.

Nafnlaus sagði...

""Er ekki í lagi heima hjá þér?

Ég geri mér alveg grein fyrir því að þú ert 120 kíló og örugglega holgóma í þokkabót, en það er engin ástæða fyrir því að þú þurfir að hrauna yfir aðra menn sem hafa vit á því að halda sér í formi. Spurning um að þú reynir að gera eitthvað í þínum málum sjálfur, þá er kannski einhver möguleiki á að þú fáir pussy.

Minnimáttarkenndin skín alveg í gegn í þessu bloggi.

PS. Þú vildir endilega sjá hárprúðan vaxtarræktarmann, það þarf ekki að leita lengur en að Jay Cutler, Mr. Olympia og fremsta vaxtarræktarmanni heimsins í dag.""
---

Ef þú ert svo forkastanlega heimskur að beina þessu til mín, þá bið ég bara guð að hjálpa þér, því það gerir það auglóslega enginn annar! Það geta allir meðalgreindir menn séð það á myndinni af mér hér á síðunni að ég er ekki 120 kíló. Þar sem þetta er þokkalega skýr andlitsmynd, þá sést vel að ég er ekki hólgóma heldur. Margur heldur mig sig, og það kanski skýrir þetta komment hjá þér að einhverju leyti.
Annars hrauna ég bara yfir menn á minni síðu þegar mér sýnist, og ef þú getur bara drullað þér eitthvað annað, ef þú þolir ekki þann rétt sem ég ber á borð fyrir þig. Bræður mínir hafa sinn stíl, og ég hef minn. Ég fullyrði að stærsti hlutinn af þeim sem nota þennan þráð á þessum spjallvef, eru viðloðandi ólögleg efni á einhvern hátt, þó ekki væri nema bara vegna þess að þeir hafa brennandi áhuga á því að komast yfir þau.

En svo getur maður spurt sig að því, afhverju þú tekur þetta svona rosalega til þín. Afhverju þú situr í stofunni heima hjá þér með ekka yfir þessum skrifum...er sannleikurinn sár ? Eða finnst þér bara nauðsynlegt að reyna að rembast eins og rjúpan við staurinn að sannfæra fólk um að það séu sko ekki allir afmyndaðir bólugrafnir vaxtaræktarhlunkar á sterum? Hentar sú ýmind þér ?
--
Bóla

Nafnlaus sagði...

Ímynd...Ýmind... höfum það bara Ímynd... :)

kv, Bóla

elvar Þór Karlsson sagði...

Sælir,

Elvar Þór heiti ég og er reglulegur notandi af umræddum vef.

Ég hef náð töluverðum árangri í líkamsrækt án notkunar ólöglegra efna og er yfir höfuð á móti þeim.

EN á þessari síðu koma upp margar spurningar og mörg svör á dag varðandi æfingar, æfingaprógröm, næringu, uppskriftir og svo margt margt fleira sem ég, ásamt mörgum öðrum hafa verið að nýta.

Þetta er einungis lítill hluti notenda þarna sem að nota "ÓLÖGLEGA DÁLKINN" og það að stinga uppá að loka síðunni er ekkert nema
fáfræði.
Það má kannski deila um tilveru ólöglega dálksins, en að setja alla síðuna og notendur hennar undir sama hatt er bara kjánaskapur.

Nafnlaus sagði...

Sæll Elvar.
Mér finnst málið bara ekki snúast um þetta, svona per se.
Ég get vel skilið að mörgum finnist vefurinn góður sem slíkur. En við getum vonandi verið sammála um að þráðurinn sem um er rætt, er ekki eins góður. Menn sem vilja skapa ímynd sem íþróttamenn og fyrirtæki sem vilja viðhalda slíkri ímynd hjá sínu fyrirtæki, meðal annars vegna þess að þau selja íþróttavörur, eiga bara ekker með að ýta undir svona umræður og hafa svona þráð í gangi. Ef fyrirtækið vaxtarvorur hefði einhvern áhuga á því að halda í þá ímynd að um væri að ræða íþróttamannslega uppbyggingu líkamans, þá væru þeir einfaldlega ekki með þennan vef í gangi. Fyrir utan þessa staðreynd, þá þekki ég ágætlega til í þessum "bransa" og er fullkomlega meðvitaður um hversu víða ólögleg efni leynast,og það er síst minna um þau en margir telja.
Það er rétt hjá þér að það er hægt að ná töluverðum árangri í líkamsrækt án notkunnar ólöglegra efna, og því skil ég ekki hvers vegna fyrirtæki sem gefur sig út fyrir að selja fæðubótaefni og íþróttavörur skuli yfirleitt stuðla að svona umræðu. Þú hlýtur að sjá hvernig það stuðlar að umræðunni, að halda svona þræði opnum er það ekki ?
kv, Bóla

Nafnlaus sagði...

En er ekki betra að menn geti spurt reyndari menn ráða um steranotkun en að þeir geri einhverja vitleysu sjálfir, og eyðileggji sig kannski til frambúðar. Þetta spjall fær engann til að taka stera, menn hafa löngu ákveðið það áður en þeir lesa spjallið. Held að það myndi engum tilgangi þjóna að leggja þetta spjall niður.

Reyndu svo að svara málefnalega.

Nafnlaus sagði...

Birkir, endilega skjóttu þig í löppina. :)

Þessi þráður hefur sennilega snúið fleirrum frá því að nota stera heldur en að fá þá til að nota þá. Ekki er verið að draga úr hættunni á þeim á neinn hátt og reynt að gera fólki fullkomlega grein fyrir því hvað það væri að gera við líkamann sinn færi það að nota stera.

GummiÓ

Nafnlaus sagði...

Fóturinn á mér er fínn,höfum það á hreinu.
Fólki er líka gert grein fyrir því hvað það getur náð miklum árangri með því að nota stera.Þá eru fólki gefnar ýmsar leiðbeiningar um notkun þeirra. Sagðar eru tröllasögur af árangri, og mönnum leiðbeint almennt um það hvernig þeir eigi að haga neyslu sinni, skömmtum og svo framvegis.
Ég kaupi bara ekki eitthvað svona bull; " sennilega snúið fleirum frá því að nota þá" ble ble ble ble.. þetta er bull og kjaftæði, og ef þú trúir þessu rugli í þér, þá verður bara að hafa það.
Bóla

Nafnlaus sagði...

Þetta er bara staðreynd. Fyrst að fólk er að gera þetta er þá ekki betra að það geri það rétt ?

Ertu kannski einn af þeim sem sat heima hjá sér með tárin í augunum vegna þess hve illa vaxinn líkama þú varst með og gerðir ekkert í því ?
Biturleikinn skín af þér.

Nafnlaus sagði...

Gó : Æi...sumt er bara ekki svaravert, og því verður þetta síðasta svar mitt við þessum "þræði".
Þú spyrð hvort það sé ekki betra að fólk geri þetta rétt, ef það á annað borð sé að þessu. Jú jú,eflaust er það betra, af tvennu illu. En fyrirtæki sem sérhæfir sig í sölu á íþróttavörum á ekkert með að vera að skipta sér af því, eða ýta undir það. Þú heldur kanski að þeir sem eru þarna að gefa ráð, séu allir læknar og lyfjafræðingar ? Heldur þú að það sé ungum mönnum hollt að taka við ráðum úr höndum sjálfsskipaðra lyfjafræðinga sem hafa fengið sína vitneskju með því að lesa erlendar síður af sama meiði, og prófa sig áfram? Fyndist þér allt í lagi ef fólk umgengist lyf á þennan hátt yfirleitt? Ef hægt er að gera þetta rétt á annað borð, þá væri það í samráði við lækni eða lyfjafræðing, ekki einhver dópista, sterasjúkling, geðsjúkling, eða bifvélavirkja út í bæ. Það veitir tæplega á gott að þiggja svör um isnúlín notkun með sterum, úr hendi bensínaafgreiðslumanns.
Í öðru lagi, fyrst við erum að tala um ólögleg lyf, þá langar mig að vita hvort þér fyndist í lagi að apótek sem selja heilsubætandi vörur, rétt eins og vaxtarvörur selur vörur sem ætlaðar eru til heilsubætingar, setji upp lyf til leiðbeiningar um notkun heróíns, kókaíns og fleiri ólöglegra lyfja. Þeir gætu veitt góð ráð um notkun hasspípna,sprautna og ráðið fólki heilt um hvaða efni væri best að taka við mismunandi tegundum af timburmönnum og öðrum fylgikvillum.
Að sjálfsögðu myndi apótekið taka fram, að það seldi eingöngu vítamín, og styddi ekki notkun fíkniefna á neinn hátt...en ef fólk ætlaði að gera þetta á annað borð, þá væri betra að gera þetta rétt!!
--
Það sem þú ekki skilur í þrjóskleika þínum Gó, er sú einfalda staðreynd að það er einfaldlega ekkert hægt að tala um að gera þetta rétt!! Ekki frekar en að það er ekki hægt að sprauta sig með heróíni rétt! Það er ekki hægt að tala um að ræna banka rétt!
Gerðu svo ráð fyrir því að þetta sé síðasta svarið mitt um þetta mál. Ég get ekki borið ábyrgð á því sem þú ekki skilur og að reyna að bera í bætifláka fyrir þetta finnst mér í besta falli fáránlegt. Þú getur svo haldið áfram að spyrja þig þeirrar spurningar afhverju þessi "Ímynd" skipti þig svona rosalega miklu máli.
kv, Bóla

Nafnlaus sagði...

Ragnar, bóla og aðrir. Mig langar til að vita hvaða bakgrunn hafið þið í líkamsrægt? Eru margir í kringum ykkur sem neyta ólöglegra efna í þágu líkamsrægtar?
Ég er einn af þeim sem höfunda semð vitnað er í og mikið tekið skemtilega úr samhengi. Ég ætla ekki að fara hérna í einhvern sandkassa leik, né standa með typpið á mér í höndunum og míga uppí vindin eins sumum ykkar hefur tekist. Þó svo að ég hafi góða þekkingu á allskonar efnum, þá er ég ekki og hef aldrei að stuðla að né hvatt til heldur fræða landan um, svo að menn sem hafa augljóslega áhuga á einhverju leveli geti tekið meðvitaða ákvörðun um hva þeir ætla sér að gera. Það sem sagt var frá var tekið svo illilega úr samhengi við annað og öllum hræðslu áróðrinum sleppt. Finnst mér þetta illa skrifað og litað af persónulegum skoðunum.
Kjánalegt hvað menn eru farinir að blogga um hina kjánalegustu hluti sem hreinlega varðar þá engu, heldur eru bara að taka sér eina hlið á málum sem skapa alltaf heitar umræður til að boosta lesninguna á blogginu sínu.

Svona er þessi blessaði blogg heimur í dag.

kv

Nafnlaus sagði...

Takk fyrir ahugaverdar upplysingar

Nafnlaus sagði...

Predilection casinos? ruminate on this newfangled [url=http://www.realcazinoz.com]casino[/url] numero uno and wing it turn down down online casino games like slots, blackjack, roulette, baccarat and more at www.realcazinoz.com .
you can also into our additional [url=http://freecasinogames2010.webs.com]casino[/url] hearty out something at http://freecasinogames2010.webs.com and desolate not faked fabulously touched in the guv !
another hermitical [url=http://www.ttittancasino.com]casino spiele[/url] tie is www.ttittancasino.com , in probable uphold german gamblers, assert via unconstrained online casino bonus.

Nafnlaus sagði...

reside in hideous this untenanted [url=http://www.casinoapart.com]casino[/url] surplus at the most alluring [url=http://www.casinoapart.com]online casino[/url] criterion with 10's of recent [url=http://www.casinoapart.com]online casinos[/url]. entrain on [url=http://www.casinoapart.com/articles/play-roulette.html]roulette[/url], [url=http://www.casinoapart.com/articles/play-slots.html]slots[/url] and [url=http://www.casinoapart.com/articles/play-baccarat.html]baccarat[/url] at this [url=http://www.casinoapart.com/articles/no-deposit-casinos.html]no away from casino[/url] , www.casinoapart.com
the finest [url=http://de.casinoapart.com]casino[/url] to UK, german and all as a diminution the world. so after the tool [url=http://es.casinoapart.com]casino en linea[/url] bring to a standstill us now.

Nafnlaus sagði...

Making money on the internet is easy in the underground world of [URL=http://www.www.blackhatmoneymaker.com]blackhat training[/URL], Don’t feel silly if you have no clue about blackhat marketing. Blackhat marketing uses little-known or misunderstood ways to generate an income online.